నిర్మాణానంతర కార్యక్రమాలను పూర్తి చేసుకున్న ఈ చిత్రం ఈ నెల 11న ప్రేక్షకుల ముందుకు రానుంది. నిర్మాతలు మాట్లాడుతూ "విజయకాంత్ నుంచి మాస్ ప్రేక్షకులు ఆశిస్తున్న అంశాలన్నీ ఇందులో ఉంటాయి. తప్పకుండా సినిమా మంచి పేరు తెచ్చిపెడుతుంది. ఉత్తమ సాంకేతిక విలువలతో ఈ చిత్రాన్ని నిర్మించాం.
సాధారణంగా విజయకాంత్ చిత్రాల్లో యాక్షన్ ఎక్కువగా ఉంటుంది. ఈ సినిమాలో యాక్షన్‌తో పాటు పాటలు కూడా అద్భుతంగా కుదిరాయి. గతంలో 'కెప్టెన్ ప్రభాకర్', 'పోలీస్‌కమిషనర్', 'సిటీ పోలీస్' వంటి విజయాలతో తెలుగు ప్రేక్షకులకు దగ్గరైన విజయకాంత్ మళ్ళీ అదే రేంజ్‌లో 'ఇండియన్ పోలీస్'గా కనువిందు చేస్తారు.
నవంబర్ 11న చిత్రాన్ని విడుదల చేస్తున్నాం'' అని అన్నారు. మీనాక్షి దీక్షిత్, అరుణ్ పాండ్యన్, మన్సూర్ అలీఖాన్ కీలక పాత్రధారులు. ఈ చిత్రానికి కెమెరా: భూపతి పాండ్యన్, సంగీతం: సుందర్.సి.బాబు.
No comments:
Post a Comment