నాని హీరోగా అశోక్‌రెడ్డి దర్శకత్వంలో డి.ఎస్.రావు నిర్మించిన 'పిల్లజమిందార్' చిత్రం ప్లాటినం డిస్క్ ఫంక్షన్ హైదరాబాద్‌లోని అర్జున్ థియేటర్‌లో జరిగింది. ఈ సందర్భంగా హీరో నాని మాట్లాడుతూ ' మంచి సినిమాకు ప్రేక్షకాదరణ ఎప్పుడూ ఉంటుందని ఈ సినిమా మరోసారి నిరూపించింది. మంచి టాక్ వల్లే ఈ సినిమా కలెక్షన్లు రోజురోజుకీ పెరుగుతున్నాయి. సినిమా చూసిన ప్రతిఒక్కరూ అభినందిస్తున్నారు. ఆదరిస్తున్న ప్రేక్షకులకు కృతజ్ఞతలు' అన్నారు.
'ఈ సినిమాని విజయవంతం చేసిన ప్రేక్షకుల సమక్షంలోనే ప్లాటినం డిస్క్ ఫంక్షన్ చేస్తున్నాం. ఈ సినిమాలో నటించడానికి అంగీకరించిన నానిగారికి, సమర్పకుడు డి.ఎస్.రావుగారికి కృతజ్ఞతలు' అన్నారు దర్శకుడు అశోక్.
చిత్ర సమర్పకుడు డి.ఎస్.రావు మాట్లాడుతూ 'ఈ చిత్రవిజయానికి కారకులు ప్రేక్షకులే. ప్రతివారం భారీ చిత్రాలు విడుదలవుతున్నా మా సినిమాకు అండగా నిలిచి విజయవంతం చేశారు. విడుదలైన అన్ని థియేటర్లలో ఈ చిత్రం మంచి కలెక్షన్లతో ప్రదర్శింపబడుతోందంటే ఆడియన్స్ సపోర్టే కారణం' అని కృతజ్ఙతలు తెలిపారు.
ఈ కార్యక్రమంలో హీరోయిన్ బిందుమాధవి, ధనరాజ్, తాగుబోతు రమేష్, రఘు కారుమంచి, స్మిత, రాజు తదితరులు పాల్గొన్నారు.
No comments:
Post a Comment