జీవా, శ్రియ జంటగా ఎస్.వి.ఆర్. మీడియా సంస్థ అందిస్తున్న తాజా భారీ చిత్రం 'రౌద్రం'. గోకుల్ దర్శకుడు. ఈ చిత్రం గురించి సంస్థ అధినేత్రి శోభ మాట్లాడుతూ ' మా సంస్థ మీదున్న నమ్మకంతో తెలుగులోకి ఈ సినిమాను మాకు ఇచ్చిన ఆర్.బి. చౌదరిగారికి కృతజ్ఞతలు. 'రౌద్రం' సినిమాలోని కొత్తదనం ప్రేక్షకులను ఆకట్టుకుంటుంది. నాగార్జునగారి 'శివ' చిత్రం ఎంత విజయం సాధించిందో అలాగే ఈ సినిమా కూడా అంత విజయవంతమవుతుందనే నమ్మకం ఉంది.
దీనికి కారణం కథ, కథనాలు. జీవా కెరీర్‌లోనే గుర్తుండిపోయే ఈ చిత్రంలో శ్రియ గ్లామర్, పెర్పార్మెన్స్, ప్రకాశ్‌రాజ్ యాక్షన్, సుధాకర్ రాజశ్రీ డైలాగులు హైలైట్ అంశాలు. త్వరలో ఆడియోను విడుదల చేస్తున్నాం. సినిమాలోని పతాక సన్నివేశాలను తెలుగు నేటివిటికి అనుగుణంగా రీషూట్ చేశాం. జి.వి.ప్రకాశ్ స్వరపరిచిన పాటలు, వనమాలి సాహిత్యం అద్భుతంగా వచ్చాయి' అన్నారు.
No comments:
Post a Comment